ಇರಾನ್ : ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕುಟುಂಬಕ್ಕೆ ಇರಾನ್ನಿಂದ ಅಸಾಧಾರಣ ಹಾಗೂ ಕಳವಳಕಾರಿ ಜೀವ ಬೆದರಿಕೆ ಎದುರಾಗಿದೆ. ಇರಾನ್ ಸರ್ಕಾರಿ ಟೆಲಿವಿಷನ್ನ ಚಾನೆಲ್ 3 ರಲ್ಲಿ ಪ್ರಸಾರವಾದ ಕಾರ್ಯಕ್ರಮವೊಂದರಲ್ಲಿ ಡೊನಾಲ್ಡ್ ಟ್ರಂಪ್ ಅವರ 20 ವರ್ಷದ ಪುತ್ರ ಬ್ಯಾರನ್ ಟ್ರಂಪ್ ಅವರನ್ನು ತಲುಪುವ ಮಾರ್ಗಗಳನ್ನು ಸವಿವರವಾಗಿ ಪ್ರಸ್ತುತಪಡಿಸಲಾಗಿದ್ದು, ಅವರ ಹತ್ಯೆಗೆ ಸುಮಾರು 95 ಕೋಟಿ ರೂಪಾಯಿಗೂ ಹೆಚ್ಚು (10 ಮಿಲಿಯನ್ ಡಾಲರ್) ಬಹುಮಾನವನ್ನು ಘೋಷಿಸಲಾಗಿದೆ.
ಇರಾನ್ನ ರೆವಲ್ಯೂಷನರಿ ಗಾರ್ಡ್ ಕ್ರಾಪ್ಸ್ ಸಂಯೋಜಿತ ಮಾಧ್ಯಮ ಸಂಸ್ಥೆಗಳು ಬಿಡುಗಡೆ ಮಾಡಿರುವ ಈ ವೀಡಿಯೊಗೆ “ಬ್ಯಾರನ್ ಟ್ರಂಪ್ನನ್ನು ಎಲ್ಲಿ ಕೊಲ್ಲಬೇಕು” ಎಂಬ ಶೀರ್ಷಿಕೆ ನೀಡಲಾಗಿದೆ. ಪ್ರಸಾರವಾದ ಈ ಕ್ಲಿಪ್ನಲ್ಲಿ ಬ್ಯಾರನ್ ಅವರ ದಿನನಿತ್ಯದ ಚಲನವಲನಗಳನ್ನು ವಿವರವಾಗಿ ವಿವರಿಸಿ ಚಿತ್ರಿಸಲಾಗಿದೆ. ಬ್ಯಾರನ್ ಅವರ ಪ್ರತಿಯೊಂದು ನಡೆಯನ್ನು ಸಂಪೂರ್ಣವಾಗಿ ಕಣ್ಣಿಟ್ಟು ನಿಗಾವಹಿಸಲಾಗುತ್ತಿದೆ ಎಂದು ವೀಡಿಯೊದಲ್ಲಿ ಪ್ರತಿಪಾದಿಸಲಾಗಿದೆ. ಅಷ್ಟೇ ಅಲ್ಲದೆ, ಅಮೆರಿಕದ ಅತ್ಯಂತ ಭದ್ರತಾ ಸಂಸ್ಥೆಯಾದ ಸಿಪಾಯಿಗಳು ಅಥವಾ ಸಿಕ್ರೆಟ್ ಸರ್ವೀಸ್ ಭದ್ರತಾ ವಲಯವನ್ನು ಭೇದಿಸಿ, ಯುವತಿಯೊಬ್ಬಳು ಖಾಸಗಿ ಸಭೆಯೊಂದರಲ್ಲಿ ಬ್ಯಾರನ್ ಪಕ್ಕದಲ್ಲೇ ಕುಳಿತಿದ್ದಳು ಎಂದು ವೀಡಿಯೊ ಪ್ರತಿಪಾದಿಸಿದೆ.
ಇನ್ನು ಈ ವೀಡಿಯೊದಲ್ಲಿ ಬ್ಯಾರನ್ ಟ್ರಂಪ್ ಅವರ ಭದ್ರತಾ ವ್ಯವಸ್ಥೆಯ ಕಣ್ಣು ತಪ್ಪಿಸಿ ಅವರು ಬಳಸುವ ಡಿಜಿಟಲ್ ಪ್ಲಾಟ್ಫಾರ್ಮ್ಗಳ ಬಗ್ಗೆಯೂ ಮಾಹಿತಿ ನೀಡಲಾಗಿದೆ. ಬ್ಯಾರನ್ ತಮ್ಮ ಭದ್ರತಾ ಸಿಬ್ಬಂದಿಯ ಗಮನಕ್ಕೆ ಬಾರದಂತೆ ಎಕ್ಸ್ಬಾಕ್ಸ್ ಮೂಲಕ ಧ್ವನಿ ಹಾಗೂ ಪಠ್ಯ ಸಂದೇಶಗಳ ಮೂಲಕ ಸಂವಹನ ನಡೆಸುತ್ತಾರೆ ಎಂದು ತಿಳಿಸಲಾಗಿದೆ. ಜೊತೆಗೆ ಎಕ್ಸ್ಬಾಕ್ಸ್, ಫೀಫಾ (FIFA) ವೀಡಿಯೊ ಗೇಮ್ಸ್ ಹಾಗೂ ಡಿಸ್ಕಾರ್ಡ್ ಅಪ್ಲಿಕೇಶನ್ಗಳಲ್ಲಿರುವ ಅವರ ಖಾತೆಗಳನ್ನು ಪತ್ತೆ ಹಚ್ಚಲಾಗಿದೆ ಎಂದು ಮಾಧ್ಯಮದ ವರದಿಯಲ್ಲಿ ಹೇಳಿದೆ.
