Close Menu
    What's Hot

    ಟಾಟಾ ಕುಟುಂಬದಲ್ಲಿ ಆಸ್ತಿ ಮತ್ತು ಅಧಿಕಾರದ ಸಂಘರ್ಷ; ನೋಯೆಲ್ ಟಾಟಾ ವಿರುದ್ಧ ಜಿಮ್ಮಿ ಟಾಟಾ ಅಸಮಾಧಾನ

    November 17, 2026

    ಕೋಟದಲ್ಲಿ ಮತ್ತೆ ಭೀಕರ ಅಪಘಾತ; ಮೀನು ಸಾಗಾಟದ ವಾಹನಕ್ಕೆ ಸರಕು ತುಂಬಿದ ಲಾರಿ ಡಿಕ್ಕಿ,ಎರಡು ವಾಹನಗಳು ನಜ್ಜುಗುಜ್ಜು

    November 17, 2026

    ಟಿವಿಎಸ್ ಕುಟುಂಬದಲ್ಲಿ ಆಸ್ತಿ ಹಂಚಿಕೆ ಕಿತ್ತಾಟ; ಸಮಾನ ಪಾಲಿಗಾಗಿ ತಂದೆಗೆ ಕಾನೂನು ನೋಟಿಸ್ ನೀಡಿದ ಲಕ್ಷ್ಮಿ ವೇಣು

    November 17, 2026
    Facebook X (Twitter) Instagram
    Facebook X (Twitter) Instagram
    Nirantara News | Kannada News | Karnataka Latest UpdatesNirantara News | Kannada News | Karnataka Latest Updates
    Subscribe
    • Homepage
    • ಕರಾವಳಿ ಸುದ್ದಿ
    • ಅಪರಾಧ
    • ಕರ್ನಾಟಕ
    • ರಾಷ್ಟ್ರೀಯ
    • ಅಂತರಾಷ್ಟ್ರೀಯ
    • ಸ್ಥಿರಾಸ್ತಿ ಮತ್ತು ಮೂಲಸೌಕರ್ಯ
    • ಆರೋಗ್ಯ


    Nirantara News | Kannada News | Karnataka Latest UpdatesNirantara News | Kannada News | Karnataka Latest Updates
    Home»ರಾಷ್ಟ್ರೀಯ»ಟಾಟಾ ಕುಟುಂಬದಲ್ಲಿ ಆಸ್ತಿ ಮತ್ತು ಅಧಿಕಾರದ ಸಂಘರ್ಷ; ನೋಯೆಲ್ ಟಾಟಾ ವಿರುದ್ಧ ಜಿಮ್ಮಿ ಟಾಟಾ ಅಸಮಾಧಾನ
    ರಾಷ್ಟ್ರೀಯ

    ಟಾಟಾ ಕುಟುಂಬದಲ್ಲಿ ಆಸ್ತಿ ಮತ್ತು ಅಧಿಕಾರದ ಸಂಘರ್ಷ; ನೋಯೆಲ್ ಟಾಟಾ ವಿರುದ್ಧ ಜಿಮ್ಮಿ ಟಾಟಾ ಅಸಮಾಧಾನ

    adminBy adminNovember 17, 2026No Comments3 Mins Read

    ಮುಂಬೈ: ಭಾರತದ ಅತ್ಯಂತ ಪ್ರತಿಷ್ಠಿತ ಬ್ಯುಸಿನೆಸ್ ಫ್ಯಾಮಿಲಿಗಳಲ್ಲಿ ಒಂದೆನಿಸಿದ ಟಾಟಾ ಕುಟುಂಬದೊಳಗೆ ಭಿನ್ನಸ್ವರ ಎದ್ದಿದೆ. ಟಾಟಾ ಸನ್ಸ್ ವಿಚಾರವಾಗಿ ನೋಯೆಲ್ ಟಾಟಾ ಅವರು ಹಾಗೂ ಇತರ ನಿರ್ದೇಶಕರ ಮಧ್ಯೆ ಭಿನ್ನಾಭಿಪ್ರಾಯಗಳು ಎದ್ದಿದ್ದವು. ಈಗ ಟಾಟಾ ಕುಟುಂಬದೊಳಗೆಯೇ ಭಿನ್ನಾಭಿಪ್ರಾಯ ಬಂದಿದೆ. ರತನ್ ಟಾಟಾ ಅವರ ಸ್ವಂತ ಕಿರಿಯ ಸಹೋದರ ಜಿಮ್ಮಿ ಟಾಟಾ ಅವರು ನೋಯೆಲ್ ವಿರುದ್ಧವೇ ಆರೋಪ ಮಾಡಿದ್ದಾರೆ. ‘ಟಾಟಾ ಸನ್ಸ್’  ಸಂಸ್ಥೆಯನ್ನು ಪರೋಕ್ಷವಾಗಿ ಸ್ವಾಧೀನಪಡಿಸಿಕೊಳ್ಳಲು ಯತ್ನಿಸುತ್ತಿದ್ದಾರೆ ಎಂಬುದು ಜಿಮ್ಮಿ ಟಾಟಾ ಅವರ ಆರೋಪ. ರತನ್ ಟಾಟಾ ಅವರ ಕಿರಿಯ ಸಹೋದರರಾದ ಜಿಮ್ಮಿ ನವಲ್ ಟಾಟಾ ಅವರು ‘ಸರ್ ರತನ್ ಟಾಟಾ ಟ್ರಸ್ಟ್’ನ ಟ್ರಸ್ಟಿಯೂ ಆಗಿದ್ದಾರೆ.

    ಸಾಮಾನ್ಯವಾಗಿ ಸಾರ್ವಜನಿಕ ಜೀವನದಿಂದ ದೂರವಿರುವ ಜಿಮ್ಮಿ ಟಾಟಾ ಅವರು, ಸಹ-ಟ್ರಸ್ಟಿ ವಿಜಯ್ ಸಿಂಗ್ ಅವರಿಗೆ ಬರೆದಿರುವ ಪತ್ರದಲ್ಲಿ ಟಾಟಾ ಸಮೂಹದ ಮೂಲ ಆಶಯಗಳಿಗೆ ಧಕ್ಕೆಯಾಗುತ್ತಿದೆ ಎಂದು ತೀವ್ರ ಕಳವಳ ವ್ಯಕ್ತಪಡಿಸಿದ್ದಾರೆ.

    ವಿವಾದದ ಪ್ರಮುಖ ಅಂಶಗಳೇನು?

    ಟಾಟಾ ಸಮೂಹದ ಮಾತೃಸಂಸ್ಥೆಯಾದ ‘ಟಾಟಾ ಸನ್ಸ್’ನಲ್ಲಿ ಶೇ. 66ರಷ್ಟು ಪಾಲನ್ನು ‘ಟಾಟಾ ಟ್ರಸ್ಟ್ಸ್’ (ಸರ್ ದೊರಾಬ್ಜಿ ಟಾಟಾ ಟ್ರಸ್ಟ್ ಮತ್ತು ಸರ್ ರತನ್ ಟಾಟಾ ಟ್ರಸ್ಟ್) ಹೊಂದಿವೆ. ಹೀಗಾಗಿ ಟ್ರಸ್ಟ್‌ಗಳ ಮೇಲೆ ಹಿಡಿತ ಸಾಧಿಸುವವರೇ ಇಡೀ ಟಾಟಾ ಸಾಮ್ರಾಜ್ಯವನ್ನು ನಿಯಂತ್ರಿಸುತ್ತಾರೆ.

    ಜಿಮ್ಮಿ ಟಾಟಾ ಅವರ ಆಕ್ರೋಶಕ್ಕೆ ಮೂರು ಪ್ರಮುಖ ಕಾರಣಗಳಿವೆ:

    ಟ್ರಸ್ಟ್‌ಗಳಲ್ಲಿ ಕುಟುಂಬ ಸದಸ್ಯರ ನೇಮಕ: ನೋಯೆಲ್ ಟಾಟಾ ಅವರು ತಮ್ಮ ಮೂವರು ಮಕ್ಕಳಾದ ನೆವಿಲ್ಲೆ, ಲಿಯಾ ಮತ್ತು ಮಾಯಾ ಟಾಟಾ ಅವರನ್ನು ಪ್ರಮುಖ ಟಾಟಾ ಟ್ರಸ್ಟ್‌ಗಳ ಮಂಡಳಿಗಳಿಗೆ ಸೇರ್ಪಡೆಗೊಳಿಸಿರುವುದನ್ನು ಜಿಮ್ಮಿ ತೀವ್ರವಾಗಿ ವಿರೋಧಿಸಿದ್ದಾರೆ. ಮಕ್ಕಳಿಲ್ಲದ ಟಾಟಾ ಸಂಸ್ಥಾಪಕರು ಸಾರ್ವಜನಿಕ ಕಲ್ಯಾಣಕ್ಕಾಗಿ ಈ ಟ್ರಸ್ಟ್‌ಗಳನ್ನು ಸ್ಥಾಪಿಸಿದ್ದಾರೆಯೇ ಹೊರತು, ಒಂದೇ ಕುಟುಂಬದ ಆಸ್ತಿಯನ್ನಾಗಿಸಲು ಅಲ್ಲ. ಯಾವುದೇ ಹೂಡಿಕೆಯಿಲ್ಲದೆ ಟ್ರಸ್ಟ್‌ಗಳ ಮೂಲಕ ಟಾಟಾ ಸನ್ಸ್ ಮೇಲೆ ಕುಟುಂಬದ ಏಕಸ್ವಾಮ್ಯ ಸಾಧಿಸುವುದು ಸರಿಯಲ್ಲ ಎಂದು ಅವರು ಗುಡುಗಿದ್ದಾರೆ.

    ಎನ್. ಚಂದ್ರಶೇಖರನ್ ಮರುನೇಮಕ: ಸೆಪ್ಟೆಂಬರ್ 2026ರಲ್ಲಿ ಟಾಟಾ ಸನ್ಸ್ ಆಡಳಿತ ಮಂಡಳಿಯು ಕಾರ್ಯನಿರ್ವಾಹಕ ಅಧ್ಯಕ್ಷ ಎನ್. ಚಂದ್ರಶೇಖರನ್ ಅವರಿಗೆ ಮೂರನೇ ಅವಧಿಗೆ ಮರುನೇಮಕ ಮಾಡಲು 4-1 ಮತಗಳಿಂದ ಒಪ್ಪಿಗೆ ನೀಡಿತ್ತು. ಆದರೆ ನೋಯೆಲ್ ಟಾಟಾ ಒಬ್ಬರೇ ಇದನ್ನು ವಿರೋಧಿಸಿ, ವಿಶೇಷ ‘ವೀಟೋ’ (Veto) ಅಧಿಕಾರ ಬಳಸಲು ಮುಂದಾಗಿದ್ದರು. ಚಂದ್ರಶೇಖರನ್ ನಾಯಕತ್ವದಲ್ಲಿ ಟಾಟಾ ಸಂಸ್ಥೆಗೆ ದಾಖಲೆಯ ಲಾಭ ಬಂದಿದೆ ಎಂದು ಬೆಂಬಲಿಸಿರುವ ಜಿಮ್ಮಿ, 2013-14ರಲ್ಲಿ ತಿದ್ದುಪಡಿ ಮಾಡಲಾದ ‘ಸರ್ವಾಧಿಕಾರಿ ವೀಟೋ ಅಧಿಕಾರ’ವನ್ನು ರದ್ದುಗೊಳಿಸಬೇಕೆಂದು ಆಗ್ರಹಿಸಿದ್ದಾರೆ.

    ಟಾಟಾ ಸನ್ಸ್ ಷೇರು ಮಾರುಕಟ್ಟೆ ಪ್ರವೇಶ: ಭಾರತೀಯ ರಿಸರ್ವ್ ಬ್ಯಾಂಕ್  ನಿಯಮಾವಳಿಗಳ ಪ್ರಕಾರ ಟಾಟಾ ಸನ್ಸ್ ಸಂಸ್ಥೆಯನ್ನು ಷೇರು ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡುವುದನ್ನು ನೋಯೆಲ್ ಟಾಟಾ ವಿರೋಧಿಸುತ್ತಿದ್ದಾರೆ. ಆದರೆ, ಸಂಸ್ಥೆಯಲ್ಲಿನ ರಹಸ್ಯ ಸಂಸ್ಕೃತಿಯನ್ನು ಕೊನೆಗಾಣಿಸಲು ಮತ್ತು ಪಾರದರ್ಶಕತೆ ತರಲು ಆರ್‌ಬಿಐ ನಿಯಮದಂತೆ ಟಾಟಾ ಸನ್ಸ್ ಲಿಸ್ಟಿಂಗ್ ಆಗಲೇಬೇಕು ಎಂದು ಜಿಮ್ಮಿ ಟಾಟಾ, ಟ್ರಸ್ಟಿಗಳಾದ ವೇಣು ಶ್ರೀನಿವಾಸನ್ ಮತ್ತು ವಿಜಯ್ ಸಿಂಗ್ ಅವರೊಂದಿಗೆ ಧ್ವನಿಗೂಡಿಸಿದ್ದಾರೆ.

    ಈ ವಿವಾದದ ಅತ್ಯಂತ ಕುತೂಹಲಕಾರಿ ಸಂಗತಿಯೆಂದರೆ, ಇಂದಿನ ಟಾಟಾ ಕುಟುಂಬದ ಯಾರೊಬ್ಬರೂ ಸಂಸ್ಥಾಪಕ ಜಮ್‌ಶೆಟ್ಜಿ ಟಾಟಾ ಅವರ ನೇರ ರಕ್ತಸಂಬಂಧಿ ವಂಶಸ್ಥರಲ್ಲ

    1. ಮೊದಲ ತಲೆಮಾರು (ಸಂಸ್ಥಾಪಕರು): 1868ರಲ್ಲಿ ಟಾಟಾ ಸಮೂಹವನ್ನು ಸ್ಥಾಪಿಸಿದ ಜಮ್‌ಶೆಟ್ಜಿ ಟಾಟಾ ಮತ್ತು ಹೀರಾಬಾಯಿ ದಂಪತಿಗೆ ಸರ್ ದೊರಾಬ್ಜಿ ಟಾಟಾ ಮತ್ತು ಸರ್ ರತನ್‌ಜಿ ಟಾಟಾ ಎಂಬ ಇಬ್ಬರು ಪುತ್ರರು ಹಾಗೂ ಮೆಹೆರ್ಬಾಯಿ ಎಂಬ ಪುತ್ರಿ ಇದ್ದರು. ಆದರೆ ಇಬ್ಬರೂ ಪುತ್ರರಿಗೆ ಮಕ್ಕಳಿರಲಿಲ್ಲ. ಹೀಗಾಗಿ ಅವರಿಬ್ಬರೂ ತಮ್ಮ ಸಂಪತ್ತನ್ನು ಸಾರ್ವಜನಿಕ ಸೇವೆಯ ಟ್ರಸ್ಟ್‌ಗಳಿಗೆ ದಾನ ಮಾಡಿದರು.
    2. ದತ್ತು ಮತ್ತು ವಿಸ್ತೃತ ಕುಟುಂಬ: ಸರ್ ರತನ್‌ಜಿ ಟಾಟಾ ಅವರ ನಿಧನದ ನಂತರ ಅವರ ಪತ್ನಿ ನವಾಜ್‌ಬಾಯಿ ಅವರು ದೂರದ ಸಂಬಂಧಿ ನವಲ್ ಟಾಟಾ ಅವರನ್ನು ದತ್ತು ಪಡೆದರು. ಮತ್ತೊಂದೆಡೆ ಜಮ್‌ಶೆಟ್ಜಿ ಅವರ ಸೋದರ ಸಂಬಂಧಿಯ ಪುತ್ರ ಜೆ.ಆರ್.ಡಿ. ಟಾಟಾ  ಅವರು 50 ವರ್ಷಗಳ ಕಾಲ ಟಾಟಾ ಸಮೂಹವನ್ನು ಮುನ್ನಡೆಸಿದರು (ಇವರಿಗೂ ಮಕ್ಕಳಿರಲಿಲ್ಲ).
    3. ನವಲ್ ಟಾಟಾ ಅವರ ಎರಡು ಕುಟುಂಬಗಳು: ದತ್ತುಪುತ್ರ ನವಲ್ ಟಾಟಾ ಅವರು ಎರಡು ವಿವಾಹವಾದರು. ಇದೇ ಇಂದಿನ ಎರಡು ಪ್ರತ್ಯೇಕ ಕವಲುಗಳಿಗೆ ಕಾರಣವಾಯಿತು.

      ಮೊದಲ ಪತ್ನಿ ಸೂನಿ ಕಮಿಸ್ಸಾರಿಯಟ್:
      ಇವರಿಗೆ ರತನ್ ಟಾಟಾ (2024ರಲ್ಲಿ ನಿಧನ) ಮತ್ತು ಜಿಮ್ಮಿ ಟಾಟಾ ಜನಿಸಿದರು. ಇವರಿಬ್ಬರೂ ಅವಿವಾಹಿತರು.

      ಎರಡನೇ ಪತ್ನಿ ಸಿಮೋನ್ ಡುನೋಯರ್: ಇವರಿಗೆ ನೋಯೆಲ್ ಟಾಟಾ ಜನಿಸಿದರು. ನೋಯೆಲ್ ಅವರು ಶಪೂರ್ಜಿ ಪಲ್ಲೊಂಜಿ ಕುಟುಂಬದ ಆಲೂ ಮಿಸ್ತ್ರಿ (ಸೈರಸ್ ಮಿಸ್ತ್ರಿ ಸಹೋದರಿ) ಅವರನ್ನು ವಿವಾಹವಾಗಿದ್ದು, ಇವರಿಗೆ ಲಿಯಾ, ಮಾಯಾ ಮತ್ತು ನೆವಿಲ್ಲೆ ಎಂಬ ಮೂವರು ಮಕ್ಕಳಿದ್ದಾರೆ.

    ಒಂದೆಡೆ ಟಿವಿಎಸ್  ಸಮೂಹದ ವೇಣು ಶ್ರೀನಿವಾಸನ್ ಮತ್ತು ಜಿಮ್ಮಿ ಟಾಟಾ ಅವರು ಟಾಟಾ ಸನ್ಸ್‌ನ ಆಡಳಿತದಲ್ಲಿ ಪಾರದರ್ಶಕತೆ ಹಾಗೂ ವೃತ್ತಿಪರತೆ ಉಳಿಯಬೇಕು ಎಂದು ಪಟ್ಟು ಹಿಡಿದಿದ್ದಾರೆ. ಮತ್ತೊಂದೆಡೆ ನೋಯೆಲ್ ಟಾಟಾ ಅವರು ಟ್ರಸ್ಟ್‌ಗಳ ಮೂಲಕ ಹಿಡಿತ ಸಾಧಿಸಲು ಯತ್ನಿಸುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಮುಂದಿನ ದಿನಗಳಲ್ಲಿ ಮಹಾರಾಷ್ಟ್ರ ಚಾರಿಟಿ ಕಮಿಷನರ್ ಮತ್ತು ಆರ್‌ಬಿಐ  ಈ ವಿಷಯದಲ್ಲಿ ಯಾವ ನಿರ್ಧಾರ ಕೈಗೊಳ್ಳಲಿವೆ ಎಂಬುದು ಭಾರತದ ಕಾರ್ಪೊರೇಟ್ ಜಗತ್ತಿನ ತೀವ್ರ ಕುತೂಹಲಕ್ಕೆ ಕಾರಣವಾಗಿದೆ.

     

     




    #national
    Previous Articleಕೋಟದಲ್ಲಿ ಮತ್ತೆ ಭೀಕರ ಅಪಘಾತ; ಮೀನು ಸಾಗಾಟದ ವಾಹನಕ್ಕೆ ಸರಕು ತುಂಬಿದ ಲಾರಿ ಡಿಕ್ಕಿ,ಎರಡು ವಾಹನಗಳು ನಜ್ಜುಗುಜ್ಜು

    Related Posts

    ಟಿವಿಎಸ್ ಕುಟುಂಬದಲ್ಲಿ ಆಸ್ತಿ ಹಂಚಿಕೆ ಕಿತ್ತಾಟ; ಸಮಾನ ಪಾಲಿಗಾಗಿ ತಂದೆಗೆ ಕಾನೂನು ನೋಟಿಸ್ ನೀಡಿದ ಲಕ್ಷ್ಮಿ ವೇಣು

    November 17, 2026

    ದೆಹಲಿಯಲ್ಲಿ ಕಟ್ಟಡ ಕುಸಿತದ ದುರಂತ; ಮೂರು ವರ್ಷದ ಮಗು ಸೇರಿ ಇಬ್ಬರು ದುರ್ಮರಣ, ಆರು ಮಂದಿ ಅವಶೇಷಗಳಡಿ ಸಿಲುಕಿರುವ ಶಂಕೆ

    November 17, 2026

    ಸೈಬರ್ ದಾಳಿ ಸಾಧ್ಯವಾಗದಿದ್ದರೆ ವ್ಯಕ್ತಿಗಳೇ ಟಾರ್ಗೆಟ್; ವಿದೇಶಿ ಗೂಢಚಾರರ ತಂತ್ರ ಬಿಚ್ಚಿಟ್ಟ ವಾಯುಪಡೆ ಮುಖ್ಯಸ್ಥ

    November 16, 2026
    Add A Comment
    Leave A Reply Cancel Reply

    ಪ್ರಮುಖ ಸುದ್ದಿ

    ಟಾಟಾ ಕುಟುಂಬದಲ್ಲಿ ಆಸ್ತಿ ಮತ್ತು ಅಧಿಕಾರದ ಸಂಘರ್ಷ; ನೋಯೆಲ್ ಟಾಟಾ ವಿರುದ್ಧ ಜಿಮ್ಮಿ ಟಾಟಾ ಅಸಮಾಧಾನ

    November 17, 2026

    ಕೋಟದಲ್ಲಿ ಮತ್ತೆ ಭೀಕರ ಅಪಘಾತ; ಮೀನು ಸಾಗಾಟದ ವಾಹನಕ್ಕೆ ಸರಕು ತುಂಬಿದ ಲಾರಿ ಡಿಕ್ಕಿ,ಎರಡು ವಾಹನಗಳು ನಜ್ಜುಗುಜ್ಜು

    November 17, 2026

    ಟಿವಿಎಸ್ ಕುಟುಂಬದಲ್ಲಿ ಆಸ್ತಿ ಹಂಚಿಕೆ ಕಿತ್ತಾಟ; ಸಮಾನ ಪಾಲಿಗಾಗಿ ತಂದೆಗೆ ಕಾನೂನು ನೋಟಿಸ್ ನೀಡಿದ ಲಕ್ಷ್ಮಿ ವೇಣು

    November 17, 2026

    ಪ್ರಾಜೆಕ್ಟ್ ಕೆಲಸಕ್ಕೆ ತೆರಳುತ್ತಿದ್ದ ವಿದ್ಯಾರ್ಥಿಗಳ ಕಾರು ಮರಕ್ಕೆ ಡಿಕ್ಕಿ; ಇಬ್ಬರು ಕಾಲೇಜು ವಿದ್ಯಾರ್ಥಿನಿಯರ ದುರ್ಮರಣ, ನಾಲ್ವರಿಗೆ ಗಾಯ

    November 17, 2026
    Advertisement






    Nirantara News is powered by a team of experienced media professionals with decades of expertise in television journalism. Our mission is to be the voice of the people by delivering truthful, unbiased, and responsible news. We cover local, state, national, and international news, along with the latest updates on health, entertainment, real estate, business, technology, and more.

    Backed by experienced reporters and a strong legal team, we are committed to providing accurate news and honest reviews.

    Subscribe to Nirantara News and support trusted journalism.

    Top Insights

    ಪ್ರಾಜೆಕ್ಟ್ ಕೆಲಸಕ್ಕೆ ತೆರಳುತ್ತಿದ್ದ ವಿದ್ಯಾರ್ಥಿಗಳ ಕಾರು ಮರಕ್ಕೆ ಡಿಕ್ಕಿ; ಇಬ್ಬರು ಕಾಲೇಜು ವಿದ್ಯಾರ್ಥಿನಿಯರ ದುರ್ಮರಣ, ನಾಲ್ವರಿಗೆ ಗಾಯ

    November 17, 2026

    ಸ್ಟಿಂಗ್ ಆಪರೇಷನ್ ಪ್ರಕರಣಕ್ಕೆ ಸಾಕ್ಷ್ಯ ಸಂಗ್ರಹವೇ ಸವಾಲು; ಮೊಬೈಲ್ ನೀಡದೆ ಕೃಪಾ ಆಳ್ವ ಕಾಲಹರಣ

    November 17, 2026
    Social Follow
    • Facebook
    • Instagram
    © 2026 Nirantara News. Designed by Blueline Computers.
    • Home
    • ಕರಾವಳಿ ಸುದ್ದಿ
    • ಅಪರಾಧ
    • ಕರ್ನಾಟಕ
    • ರಾಷ್ಟ್ರೀಯ
    • ಅಂತರಾಷ್ಟ್ರೀಯ
    • ಸ್ಥಿರಾಸ್ತಿ ಮತ್ತು ಮೂಲಸೌಕರ್ಯ
    • ಆರೋಗ್ಯ

    Type above and press Enter to search. Press Esc to cancel.