Close Menu
    What's Hot

    ಚೀನಾಗೆ ಎನ್‌ವಿಡಿಯಾ ಚಿಪ್‌ಗಳ ಚೀನಾ ಕಳ್ಳಸಾಗಣೆ ಪ್ರಕರಣ; ಜಯ್ ಪುರಿ ಪತ್ನಿ ಸೆನ್ಲಿ ಚೆನ್ ಹೆಸರು ಪ್ರಸ್ತಾಪ

    November 19, 2026

    ರೈಲು ಪ್ರಯಾಣಿಕರ ಮೊಬೈಲ್ ಕದ್ದು ಹಣ ಎಗರಿಸುತ್ತಿದ್ದ ಖದೀಮ; ಆರೋಪಿ ಪೊಲೀಸರ ಬಲೆಗೆ

    November 19, 2026

    ವಂದೇ ಭಾರತ್ ರೈಲಲ್ಲಿ ಲಾಕ್ ಆದ 12 ಮಂದಿ; ಟಿಕೆಟ್ ಇಲ್ಲದೆ 140 ಕಿ.ಮೀ ಪ್ರಯಾಣಿಸಿದ 12 ಮಂದಿಗೆ ದಂಡ

    November 19, 2026
    Facebook X (Twitter) Instagram
    Facebook X (Twitter) Instagram
    Nirantara News | Kannada News | Karnataka Latest UpdatesNirantara News | Kannada News | Karnataka Latest Updates
    Subscribe
    • Homepage
    • ಕರಾವಳಿ ಸುದ್ದಿ
    • ಅಪರಾಧ
    • ಕರ್ನಾಟಕ
    • ರಾಷ್ಟ್ರೀಯ
    • ಅಂತರಾಷ್ಟ್ರೀಯ
    • ಸ್ಥಿರಾಸ್ತಿ ಮತ್ತು ಮೂಲಸೌಕರ್ಯ
    • ಆರೋಗ್ಯ


    Nirantara News | Kannada News | Karnataka Latest UpdatesNirantara News | Kannada News | Karnataka Latest Updates
    Home»ಅಂತರಾಷ್ಟ್ರೀಯ»ಚೀನಾಗೆ ಎನ್‌ವಿಡಿಯಾ ಚಿಪ್‌ಗಳ ಚೀನಾ ಕಳ್ಳಸಾಗಣೆ ಪ್ರಕರಣ; ಜಯ್ ಪುರಿ ಪತ್ನಿ ಸೆನ್ಲಿ ಚೆನ್ ಹೆಸರು ಪ್ರಸ್ತಾಪ
    ಅಂತರಾಷ್ಟ್ರೀಯ

    ಚೀನಾಗೆ ಎನ್‌ವಿಡಿಯಾ ಚಿಪ್‌ಗಳ ಚೀನಾ ಕಳ್ಳಸಾಗಣೆ ಪ್ರಕರಣ; ಜಯ್ ಪುರಿ ಪತ್ನಿ ಸೆನ್ಲಿ ಚೆನ್ ಹೆಸರು ಪ್ರಸ್ತಾಪ

    adminBy adminNovember 19, 2026No Comments3 Mins Read

    ವಾಷಿಂಗ್ಟನ್: ವಿಶ್ವದ ಅತ್ಯಂತ ಪ್ರಸಿದ್ಧ ಚಿಪ್ ತಯಾರಕರಾದ ಎನ್ವಿಡಿಯಾ ಸುತ್ತಲಿನ ವಿವಾದವು ಮುಂದುವರೆದಿದೆ. ಮಾಜಿ ಸಿಇಒ ಜೆನ್ಸನ್ ಹುವಾಂಗ್ ಅವರ ಪ್ರೇಮ ಪ್ರಕರಣದಿಂದ ಹಿಡಿದು ಅವರ ರಾಜೀನಾಮೆ ವರೆಗೆ ಕಂಪನಿಯು ಹಲವು ಟೀಕೆಗಳನ್ನು ಎದುರಿಸಿದೆ. ಈಗ, ಮತ್ತೊಂದು ಆರೋಪ ಕೇಳಿಬಂದಿದೆ.

    ಕೃತಕ ಬುದ್ಧಿಮತ್ತೆ ಕ್ಷೇತ್ರದ ಪ್ರಮುಖ ಚಿಪ್ ತಯಾರಿಕಾ ಕಂಪನಿ ಎನ್​ವಿಡಿಯಾದ ಮಾಜಿ ಉನ್ನತ ಅಧಿಕಾರಿ ಅಜಯ್ ಕೆ ಜಯ್ ಪುರಿ, ಪತ್ನಿ ಇದೀಗ ಚೀನಾಗೆ ಅಕ್ರಮವಾಗಿ ಚಿಪ್​ಗಳನ್ನು ಸಾಗಿಸಿದ ಆರೋಪದಲ್ಲಿ ಸಿಲುಕಿದ್ದಾರೆ. ಪುರಿ ಅವರೊಂದಿಗೆ ಕಾಣಿಸಿಕೊಂಡಿರುವ ಮಹಿಳೆ, ಸೂಪರ್ ಮೈಕ್ರೋ ಕಂಪನಿಯ ಮಾಜಿ ಹಿರಿಯ ಅಧಿಕಾರಿಯಾಗಿದ್ದ ಸೆನ್ಲಿ ಚೆನ್ ಅವರೇ ಎಂಬ ಪ್ರಶ್ನೆಯನ್ನು ಅಮೆರಿಕದ ಶಾರ್ಟ್‌ಸೆಲ್ಲಿಂಗ್ ಸಂಸ್ಥೆ ಮಡ್ಡಿ ವಾಟರ್ಸ್ ರಿಸರ್ಚ್ ಎತ್ತಿದೆ. ಅವರು ಪುರಿಯವರ ಪತ್ನಿ ಎಂದು ಹೇಳಲಾಗುತ್ತಿದೆ.

    ನವೆಂಬರ್ 17ರಂದು ‘ಎನ್​ವಿಡಿಯಾ: ಮೋರ್ ಚೀನಾ’ ಎಂಬ ವರದಿಯನ್ನು ಬಿಡುಗಡೆ ಮಾಡಿರುವ ಮಡ್ಡಿ ವಾಟರ್ಸ್, ಸಂಸ್ಥೆಯು 2024 ಮತ್ತು 2026 ರ ನಡುವೆ ತೆಗೆದ ಛಾಯಾಚಿತ್ರಗಳನ್ನು ಸಹ ಪರಿಶೀಲಿಸಿದೆ. ಈ ಛಾಯಾಚಿತ್ರಗಳು ಪುರಿ ಅವರ ಪತ್ನಿ ಸೆನ್ಲಿ ಚೆನ್ ಜೊತೆಗಿರುವುದನ್ನು ತೋರಿಸುತ್ತವೆ. ಈ ಚಿತ್ರಗಳಲ್ಲಿ ಜಯ್ ಪುರಿ ಅವರೊಂದಿಗೆ ಕಾಣಿಸಿಕೊಂಡಿರುವ ಮಹಿಳೆಯನ್ನು ಕೆಲವೆಡೆ ‘ಸೆನ್ಲಿ ಚೆನ್’ ಎಂದೂ, ಇನ್ನೂ ಕೆಲವು ಕಡೆ ‘ಸೆನ್ಲಿ ಪುರಿ’ ಎಂದೂ ಗುರುತಿಸಲಾಗಿದೆ.

    ಈ ಮಹಿಳೆ ಸೂಪರ್ ಮೈಕ್ರೋ ಕಂಪನಿಯಲ್ಲಿ ಕೆಲಸ ಮಾಡಿದ್ದ ಅದೇ ಸೆನ್ಲಿ ಚೆನ್ ಅವರೇ ಎಂಬುದನ್ನು ಸಂಸ್ಥೆ ಪ್ರಶ್ನಿಸಿದೆ. ಆದರೆ ಫೋಟೋಗಳ ಆಧಾರದಲ್ಲಿ ಅವರ ಗುರುತು ಒಂದೇ ಎಂದು ವರದಿ ಖಚಿತಪಡಿಸಿಲ್ಲ.

    ಯಾರು ಈ ಜಯ್ ಪುರಿ?

    ಜಯ್ ಪುರಿ ಸುಮಾರು 21 ವರ್ಷಗಳ ಕಾಲ ಎನ್‌ವಿಡಿಯಾದಲ್ಲಿ ಕೆಲಸ ಮಾಡಿದ್ದಾರೆ. ಕಂಪನಿಯ ಜಾಗತಿಕ ಕ್ಷೇತ್ರ ಕಾರ್ಯಾಚರಣೆಗಳ ಕಾರ್ಯನಿರ್ವಾಹಕ ಉಪಾಧ್ಯಕ್ಷರಾಗಿ ಜಾಗತಿಕ ಮಾರಾಟ, ಪಾಲುದಾರಿಕೆ ಮತ್ತು ಇತರ ಪ್ರಮುಖ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದರು. ಕಂಪನಿಯ ಆಗಿನ ಸಿಇಒ ಜೆನ್ಸನ್ ಹುವಾಂಗ್ ಮತ್ತು ಸಿಎಫ್‌ಒ ಕೊಲೆಟ್ ಕ್ರೆಸ್ ನಂತರ ಅವರು ಮೂರನೇ ಅತ್ಯಂತ ಹಿರಿಯ ಅಧಿಕಾರಿಯಾಗಿದ್ದರು.

    2026ರ ಜೂನ್‌ನಲ್ಲಿ ಅವರು ತಮ್ಮ ಕಾರ್ಯನಿರ್ವಾಹಕ ಹುದ್ದೆಯಿಂದ ನಿವೃತ್ತಿಯಾಗುವ ನಿರ್ಧಾರ ಪ್ರಕಟಿಸಿದರು. ಬಳಿಕ ಕಂಪನಿಯಲ್ಲಿ ಹಿರಿಯ ಸಲಹೆಗಾರರಾಗಿ ಮುಂದುವರಿದರು. ಎನ್‌ವಿಡಿಯಾದಲ್ಲಿ ಅವರ ದೀರ್ಘಕಾಲದ ಸೇವೆ ಮತ್ತು ಉನ್ನತ ಹುದ್ದೆಯ ಕಾರಣಕ್ಕೆ ಈ ವಿವಾದ ಹೆಚ್ಚಿನ ಗಮನ ಸೆಳೆದಿದೆ.

    ಸೆನ್ಲಿ ಚೆನ್ ವಿರುದ್ಧ ಏನು ಆರೋಪ?

    ಸೂಪರ್ ಮೈಕ್ರೋ ಕಂಪನಿಯ ಮಾಜಿ ಮುಖ್ಯ ಬೆಳವಣಿಗೆ ಅಧಿಕಾರಿ ಸೆನ್ಲಿ ಚೆನ್ ವಿರುದ್ಧ ಅಕ್ಟೋಬರ್‌ನಲ್ಲಿ ಸಲ್ಲಿಸಲಾದ ಸಿವಿಲ್ ಮೊಕದ್ದಮೆಯಲ್ಲಿ ಕೆಲವು ಮಾಜಿ ಉದ್ಯೋಗಿಗಳು ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. ಎನ್‌ವಿಡಿಯಾದಿಂದ ಜಿಪಿಯು ಚಿಪ್‌ಗಳನ್ನು ಖರೀದಿಸುವುದು ಮತ್ತು ಸೂಪರ್ ಮೈಕ್ರೋದ ಗ್ರಾಹಕರಿಗೆ ಅವುಗಳನ್ನು ಹಂಚಿಕೆ ಮಾಡುವ ಪ್ರಕ್ರಿಯೆಯಲ್ಲಿ ಚೆನ್ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ದೂರಿನಲ್ಲಿ ಹೇಳಲಾಗಿದೆ.

    ಚೀನಾಕ್ಕೆ ಅಕ್ರಮವಾಗಿ ಸಾಗಿಸಲಾದ ಜಿಪಿಯು ಚಿಪ್‌ಗಳ ಬಗ್ಗೆ ಚೆನ್ ಅವರಿಗೆ ತಿಳಿದಿತ್ತು ಎಂಬ ಆರೋಪವೂ ಇದೆ. ಚೀನಾಕ್ಕೆ ತಿರುಗಿಸಲಾದ ಚಿಪ್‌ಗಳ ಸರಣಿ ಸಂಖ್ಯೆಗಳಿಗೆ ಸಂಬಂಧಿಸಿದಂತೆ ಎನ್‌ವಿಡಿಯಾಗೆ ಇಮೇಲ್ ಕಳುಹಿಸಿ ಚಿಪ್‌ಗಳನ್ನು ಬಿಡುಗಡೆ ಮಾಡುವಂತೆ ಅವರು ಕೇಳಿದ್ದರು ಎಂದು ಮಾಜಿ ಉದ್ಯೋಗಿಯೊಬ್ಬರು ಆರೋಪಿಸಿದ್ದಾರೆ. ಆದರೆ ಇವು ಸಿವಿಲ್ ಮೊಕದ್ದಮೆಯಲ್ಲಿನ ಆರೋಪಗಳಷ್ಟೇ ಹೊರತು, ನ್ಯಾಯಾಲಯದಲ್ಲಿ ಸಾಬೀತಾಗಿಲ್ಲ.

    2.5 ಬಿಲಿಯನ್ ಡಾಲರ್ ಮೌಲ್ಯದ ಸರ್ವರ್‌ಗಳ ಅಕ್ರಮ ಮಾರಾಟದ ಆರೋಪ

    ಈ ವಿವಾದದ ಹಿನ್ನೆಲೆ ಸೂಪರ್ ಮೈಕ್ರೋ ಕಂಪನಿಯ ಸರ್ವರ್‌ಗಳನ್ನು ಚೀನಾಕ್ಕೆ ಅಕ್ರಮವಾಗಿ ಸಾಗಿಸಿದ ಪ್ರಕರಣ. ಅಮೆರಿಕದ ತನಿಖಾ ಸಂಸ್ಥೆಗಳ ಆರೋಪದ ಪ್ರಕಾರ, ಸೂಪರ್ ಮೈಕ್ರೋ ಜೊತೆ ಸಂಬಂಧ ಹೊಂದಿದ್ದ ಮೂವರು ವ್ಯಕ್ತಿಗಳು ಆಗ್ನೇಯ ಏಷ್ಯಾದ ಮಧ್ಯವರ್ತಿ ಕಂಪನಿಯ ಮೂಲಕ ಸುಮಾರು 2.5 ಬಿಲಿಯನ್ ಡಾಲರ್ ಮೌಲ್ಯದ ಸರ್ವರ್‌ಗಳನ್ನು ಚೀನಾದ ಖರೀದಿದಾರರಿಗೆ ಮಾರಾಟ ಮಾಡುವ ಯೋಜನೆಯಲ್ಲಿ ಭಾಗಿಯಾಗಿದ್ದರು. ಈ ಸರ್ವರ್‌ಗಳಲ್ಲಿ ಎನ್‌ವಿಡಿಯಾ ತಯಾರಿಸಿದ ಉನ್ನತ ಸಾಮರ್ಥ್ಯದ ಜಿಪಿಯು ಚಿಪ್‌ಗಳಿದ್ದವು.

    ಈ ಪ್ರಕರಣದಲ್ಲಿ ಸೂಪರ್ ಮೈಕ್ರೋ ಸಹ-ಸಂಸ್ಥಾಪಕ ಯಿಹ್-ಶ್ಯಾನ್ ಲಿಯಾವ್, ಮಾಜಿ ತೈವಾನ್ ಮಾರಾಟ ವ್ಯವಸ್ಥಾಪಕ ರೂಯಿ-ತ್ಸಾಂಗ್ ಚಾಂಗ್ ಮತ್ತು ಮಧ್ಯವರ್ತಿ ಟಿಂಗ್-ವೇ ‘ವಿಲ್ಲಿ’ ಸನ್ ವಿರುದ್ಧ ಅಮೆರಿಕದಲ್ಲಿ ಕ್ರಿಮಿನಲ್ ಆರೋಪಗಳನ್ನು ದಾಖಲಿಸಲಾಗಿದೆ. ವರದಿಗಳ ಪ್ರಕಾರ, ಸನ್ ತಪ್ಪೊಪ್ಪಿಕೊಂಡಿದ್ದು, ಉಳಿದ ಇಬ್ಬರ ಪ್ರಕರಣಗಳು ನ್ಯಾಯಾಂಗ ಪ್ರಕ್ರಿಯೆಯಲ್ಲಿವೆ.

    ಮಡ್ಡಿ ವಾಟರ್ಸ್ ಏಕೆ ಈ ವಿಷಯ ಪ್ರಸ್ತಾಪಿಸಿದೆ?

    ಮಡ್ಡಿ ವಾಟರ್ಸ್ ಒಂದು ಶಾರ್ಟ್‌ಸೆಲ್ಲಿಂಗ್ ಸಂಶೋಧನಾ ಸಂಸ್ಥೆ. ಕಂಪನಿಯ ಷೇರುಗಳ ಬೆಲೆ ಕುಸಿಯಬಹುದು ಎಂದು ನಿರೀಕ್ಷಿಸಿ, ಅದರ ಷೇರುಗಳ ವಿರುದ್ಧ ಹೂಡಿಕೆ ಮಾಡುವ ಮೂಲಕ ಲಾಭ ಗಳಿಸಲು ಪ್ರಯತ್ನಿಸುವ ಸಂಸ್ಥೆ ಇದು. ನವೆಂಬರ್ 17ರ ವರದಿಯಲ್ಲಿ ಎನ್‌ವಿಡಿಯಾದ ವಿರುದ್ಧ ತನ್ನ ಶಾರ್ಟ್ ಪೊಸಿಷನ್ ಅನ್ನು ಬಹಿರಂಗಪಡಿಸಿದೆ.

    ಜಯ್ ಪುರಿ ಅವರೊಂದಿಗಿನ ಫೋಟೋಗಳಲ್ಲಿರುವ ಮಹಿಳೆ ಸೂಪರ್ ಮೈಕ್ರೋದ ಮಾಜಿ ಅಧಿಕಾರಿ ಸೆನ್ಲಿ ಚೆನ್ ಅವರೇ ಎಂಬುದನ್ನು ಸ್ಪಷ್ಟಪಡಿಸುವಂತೆ ಮಡ್ಡಿ ವಾಟರ್ಸ್, ಚೆನ್ ಈಗ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿರುವ ಕ್ರೋನೋಸ್ಕೇಲ್ ಕಂಪನಿಯ ಹೂಡಿಕೆದಾರರ ಸಂಪರ್ಕ ವಿಭಾಗವನ್ನು ಕೇಳಿದೆ. ಆದರೆ ತನಗೆ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ ಎಂದು ಸಂಸ್ಥೆ ಹೇಳಿದೆ.




    #crime International
    Previous Articleರೈಲು ಪ್ರಯಾಣಿಕರ ಮೊಬೈಲ್ ಕದ್ದು ಹಣ ಎಗರಿಸುತ್ತಿದ್ದ ಖದೀಮ; ಆರೋಪಿ ಪೊಲೀಸರ ಬಲೆಗೆ

    Related Posts

    ರೈಲು ಪ್ರಯಾಣಿಕರ ಮೊಬೈಲ್ ಕದ್ದು ಹಣ ಎಗರಿಸುತ್ತಿದ್ದ ಖದೀಮ; ಆರೋಪಿ ಪೊಲೀಸರ ಬಲೆಗೆ

    November 19, 2026

    ವಂದೇ ಭಾರತ್ ರೈಲಲ್ಲಿ ಲಾಕ್ ಆದ 12 ಮಂದಿ; ಟಿಕೆಟ್ ಇಲ್ಲದೆ 140 ಕಿ.ಮೀ ಪ್ರಯಾಣಿಸಿದ 12 ಮಂದಿಗೆ ದಂಡ

    November 19, 2026

    ಸುಳ್ಯದಲ್ಲಿ ಜಾನುವಾರು ಕಳವಿಗೆ ಯತ್ನ; ಇಬ್ಬರು ಆರೋಪಿಗಳ ಬಂಧನ, ಜಾನುವಾರುಗಳು ವಶಕ್ಕೆ

    November 19, 2026
    Add A Comment
    Leave A Reply Cancel Reply

    ಪ್ರಮುಖ ಸುದ್ದಿ

    ಚೀನಾಗೆ ಎನ್‌ವಿಡಿಯಾ ಚಿಪ್‌ಗಳ ಚೀನಾ ಕಳ್ಳಸಾಗಣೆ ಪ್ರಕರಣ; ಜಯ್ ಪುರಿ ಪತ್ನಿ ಸೆನ್ಲಿ ಚೆನ್ ಹೆಸರು ಪ್ರಸ್ತಾಪ

    November 19, 2026

    ರೈಲು ಪ್ರಯಾಣಿಕರ ಮೊಬೈಲ್ ಕದ್ದು ಹಣ ಎಗರಿಸುತ್ತಿದ್ದ ಖದೀಮ; ಆರೋಪಿ ಪೊಲೀಸರ ಬಲೆಗೆ

    November 19, 2026

    ವಂದೇ ಭಾರತ್ ರೈಲಲ್ಲಿ ಲಾಕ್ ಆದ 12 ಮಂದಿ; ಟಿಕೆಟ್ ಇಲ್ಲದೆ 140 ಕಿ.ಮೀ ಪ್ರಯಾಣಿಸಿದ 12 ಮಂದಿಗೆ ದಂಡ

    November 19, 2026

    ಪುತ್ತೂರು ಬೈಪಾಸ್‌ನಲ್ಲಿ ಭೀಕರ ಅಪಘಾತ; ನಿಂತಿದ್ದ ಟಿಪ್ಪರ್‌ಗೆ ಕಾರು ಡಿಕ್ಕಿ, ಓರ್ವ ಸಾವು, ಮತ್ತೊಬ್ಬ ಗಂಭೀರ

    November 19, 2026
    Advertisement






    Nirantara News is powered by a team of experienced media professionals with decades of expertise in television journalism. Our mission is to be the voice of the people by delivering truthful, unbiased, and responsible news. We cover local, state, national, and international news, along with the latest updates on health, entertainment, real estate, business, technology, and more.

    Backed by experienced reporters and a strong legal team, we are committed to providing accurate news and honest reviews.

    Subscribe to Nirantara News and support trusted journalism.

    Top Insights

    ಬಾಡಿಗೆ ಮನೆ ಹುಡುಕುವ ಸೋಗಿನಲ್ಲಿ ಬೀಗ ಹಾಕಿದ ಮನೆಗಳೇ ಟಾರ್ಗೆಟ್; ಇಬ್ಬರು ಖತರ್ನಾಕ್ ಕಳ್ಳರು ಅಂದರ್

    November 18, 2026

    ಕಾರು–ಬೊಲೆರೊ ನಡುವೆ ಭೀಕರ ಡಿಕ್ಕಿ; ನಾಲ್ವರು ಯುವಕರು ಸ್ಥಳದಲ್ಲೇ ಸಾವು, ಮತ್ತೊಬ್ಬನ ಸ್ಥಿತಿ ಗಂಭೀರ

    November 18, 2026
    Social Follow
    • Facebook
    • Instagram
    © 2026 Nirantara News. Designed by Blueline Computers.
    • Home
    • ಕರಾವಳಿ ಸುದ್ದಿ
    • ಅಪರಾಧ
    • ಕರ್ನಾಟಕ
    • ರಾಷ್ಟ್ರೀಯ
    • ಅಂತರಾಷ್ಟ್ರೀಯ
    • ಸ್ಥಿರಾಸ್ತಿ ಮತ್ತು ಮೂಲಸೌಕರ್ಯ
    • ಆರೋಗ್ಯ

    Type above and press Enter to search. Press Esc to cancel.