ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘನೆಗಳನ್ನು ಪತ್ತೆಹಚ್ಚಲು ಅಳವಡಿಸಿರುವ ಎಐ ಕ್ಯಾಮೆರಾ ಇದೀಗ ವಿಚಿತ್ರ ಕಾರಣಕ್ಕೆ ವಾಹನ ಸವಾರನಿಗೆ ದಂಡ ವಿಧಿಸಿರುವ ಘಟನೆ ಗಮನ ಸೆಳೆದಿದೆ. ಸ್ಕೂಟರ್ನಲ್ಲಿ ಸಾಗಿಸುತ್ತಿದ್ದ ಗಿಟಾರ್ನ್ನು ವ್ಯಕ್ತಿಯೆಂದು ತಪ್ಪಾಗಿ ಗುರುತಿಸಿದ ಕ್ಯಾಮೆರಾ, ಹೆಲ್ಮೆಟ್ ಧರಿಸದಿರುವ ಆರೋಪದಡಿ ಚಲನ್ ಕಳುಹಿಸಿದೆ.
ಸೌವಿಕ್ ದತ್ತ ಅವರು ಹೆಬ್ಬಾಳದಿಂದ ಟಿನ್ ಫ್ಯಾಕ್ಟರಿ ಕಡೆಗೆ ಸ್ಕೂಟರ್ನಲ್ಲಿ ತೆರಳುತ್ತಿದ್ದರು. ಈ ವೇಳೆ ಅವರು ಗಿಟಾರ್ನ್ನು ಬೆನ್ನಿಗೆ ಹಾಕಿಕೊಂಡಿದ್ದರು. ಆದರೆ ಸ್ಕೂಟರ್ನ ಹಿಂಭಾಗದಲ್ಲಿದ್ದ ಗಿಟಾರ್ನ್ನು ಎಐ ಕ್ಯಾಮೆರಾ ಮತ್ತೊಬ್ಬ ವ್ಯಕ್ತಿ ಎಂದು ಗ್ರಹಿಸಿ, ಆತನಿಗೆ ಹೆಲ್ಮೆಟ್ ಇಲ್ಲ ಎಂದು ದಾಖಲಿಸಿದೆ.
ಘಟನೆಯ ಬಳಿಕ ಸೌವಿಕ್ ದತ್ತ ಅವರ ಮೊಬೈಲ್ಗೆ ಫೋಟೋ ಸಹಿತ ಆನ್ಲೈನ್ ಚಲನ್ ಬಂದಿದ್ದು, ಅದನ್ನು ನೋಡಿ ಅವರು ಅಚ್ಚರಿಗೊಂಡಿದ್ದಾರೆ. ಬಳಿಕ ಎಐ ಕ್ಯಾಮೆರಾದ ಎಡವಟ್ಟಿನ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಚಾರ ಗಮನಕ್ಕೆ ಬಂದ ಹಿನ್ನೆಲೆಯಲ್ಲಿ ಪೊಲೀಸರು ಸೌವಿಕ್ ಅವರನ್ನು ಸಂಪರ್ಕಿಸುವಂತೆ ಸೂಚಿಸಿದ್ದಾರೆ.
